Šimanec swjaty křiž

W zahrodźe před domskim Bjarnata Šimana čo. 8 b čitamy na wuměłskim barbjenym kamjenju swjateho křiža dypane Maria Deuschman geb. K    1858. K. budźe wěsće Kuškec rěkać. 1899 kupi Michał Šiman wot Šěrakec žiwnosć, prjedy sydlachu tu Kuškec. Pomnik prjedownikow njeje zabyty, róžički tu wonjeja a kćěja. Železny křiž je jednory, na kotrymž wupřestrěwa naš Wumóžnik žohnujo ruce. Na tafličce čitamy: Jězuso za nas křižowany, smil so nad nami. Ponowjeny bu 1938.

žórło: Mikławš Kokla ze Sernjan, "Swjate křiže w serbskim kraju", wozjewjene w Katolskim Posole 1968

Zapisk do pomnikoškitneje lisćiny 2001

• stołp: kowany křiž na granitnym podstawku, pozłoćany korpus
• datěrowanje: 1858

přełožk z němčiny: radyserb

Wudospołnjenje z lěta 2008 

Měrćin Šiman  da swjaty křiž 1999 (M.Š. 1999) ponowić a na tafličku napisać: Mój Jězuso smilnosć! Wón so swěrnje wo debjenje křiža stara.