Pětrancec/Klarec swjaty křiž

Wurjadnje sylny a wuměłscy dypany kamjentny křiž steji před dworom Jurja Pětranca čo. 6. Kamjeń steji na sylnym zornowcowym fundamenće, ke kotremuž wjedu kamjentne schodźenki. Čitamy: J. (Jakub) Petrenc 1882. Železny wobłukškita corpus. Wulkej postawje swjateje Marije a swjateho Jana stejitej pod železnym křižom. Hrónčko na tafličce bě serbske, njeje k wučitanju. Tež železny płót dokoła je wysoki. Zahrodka wokoło křiža je z kwětkami a zelenymi kerkami hladana.

žórło: Mikławš Kokla ze Sernjan, "Swjate křiže w serbskim kraju", wozjewjene w Katolskim Posole 1968

Zapisk do pomnikoškitneje lisćiny 2001

• stołp: kowany křiž na granitnym podstawku, z Mariju a Janom
• datěrowanje: 1883

přełožk z němčiny: radyserb

Wudospołnjenje z lěta 2008 

Marja Pětrancowa je swjaty křiž w lěće 2000 ponowić dawa. Zadypane je M.P. 2000. Napisane na tafličce je: Knježe wostań z nami! Młoda Klarec-Kubicec swójba stara so wo zahrodu wokoło křiža.