Póstnicy 2009

Start do pjateho počasa

Moto lětušeho póstniskeho časa Serbskopazličanskeho karnewaloweho towarstwa je  "Kajkež plahowanje, tajki płód". Princ 39. sezony Krisztian I. a jeho princesna Antje I. wotewrěštaj 1. kapičkowy wječor 14.02.09 ze swojimaj dźěsćomaj Gyula a Ceciliju Kovácsec. Miłočanske "žabki" pak chcychu princa ze swojeje srjedźizny na kóždy pad překwapić, a tak wustupi pioněrski chór pod nawodom Rolfa Bobki. Spěwachmy pěseń "Naša domizna" wězo na hinaše słowa. K wjeselu připosłucharjow, so wě. Wěmy, zo smy pjate koło w Njebjelčanskej gmejnje a nadźijamy so, zo nam princ w přichodźe pomha někotryžkuli njedostatk wotstronić.  Naša "prěnja žaba" Marko Kowar pak přednjese hrónčkowanu narěč a šwikaše runja spěwarjam komunalnu politiku.

Naš "pioněrski program" (ca. 8 mjeńšinow)

1. zaćah
2. pioněrski spěw "Fröhlich sein und singen" - 1. stučka
3. postrowjenje wučerja "Pioněrojo kedźbu! Z postrowom za měr a pokoj - budźće zwólniwi! Stajnje zwólniwi."
4. spěw "Unsere Heimat"
5. rejowanje
6. towarstowa hymna

Tutón program pokazachmy na 1. kapičkowym wječorku dnja 14.02.09 a na rentnarskich póstnicach dnja 22.02.09 w Njebjelčanskej Bjesadźe.