Pjeckec - Wićazec - Bruskec

Kubło, někak 23 ha wulke, słušeše 1840 Pětrej Lehmanej. Twarjenja třistronskeho dwora su z prěnjeje połojcy 19. lětstotka. Horni poschod domskeho je tykowany a w originalnym stawje do dźensnišeho zwostał. Hródźe su z kamjenja natwarjene. Do dwora je mały wołtark zatwarjeny a derje hladany. Třěcha pak rozpaduje, twarjenje so hižo njewužiwa. Tež pod pomnikoškitom stejaca tykowana bróžnja/kólnja rozpaduje.

Chlěwy a trawjenk je sej Beno Brusk 1997 wutwarił na bydlenje za swoju swójbu. 

Na zahrodźe maja mału kapałku. Čehodla su do domu Pjeckec prajili, wuswětla nam protokolowa kniha gmejny Miłoćicy – tam mjenuje so Johann Petzig, kotryž bě 1839 na wuměnku...

Bruskec mać Monika je sotra njeboheho Michała Matki čo. 4. Chodźi w narodnej drasće, ale je strowotnych přičin dla lědma we wsy widźeć.