Wuběr rěčow:
Nowostki 2018
25.02.2018, 17 hodź. | wopyt dźiwadła
Za předstajenje "Paradiz w dobrej stwě" Němsko-Serbskeho ludoweho dźiwadła móža so wšitcy zajimcy pola Marje Hrjehorjoweje přizjewić. Bus wotjědźe w 16 hodź. z Miłoćic.
19.02.2018, 19 hodź. | přednošk
Trudla Kuringowa přednošuje k temje "Swjate křiže w Miłoćicach a we Wěteńcy". Wšitcy su wutrobnje do towaršnostneje rumnosće při Miłočanskej žabje přeprošeni. Po zarjadowanju móže so DVD's kupić. W 18 hodź. je róžowc.
 |
 |
20.01.2018 | Žabki pućuja do Strážné v Krkonoších
Tež lětsa zaso pućujemy. Pojědźemy wot 21. do 23.09.2018 do Strážné v Krkonoších. Přeprošenje a pokazku na pućowansku kartu nadeńdźeće w (PDF). Z přizjewjenom hromadźimy napłaćenje we wysokosći 60 € za dorosćeneho a 50 € za dźěćo (2 do 16 lět). Za samojězdźerjow (2x Bobkec) su to 50 resp. 30 €.
Prošu přizjewće so a wotedajće pjenjezy prawje bórze, najpozdźišo hač do JUTROW pola Bulankec. Městna su kaž přeco -tež hdyž su to wjace- wobmjezowane (66).
09.01.2018 | Internetowa strona
Smy z lěta 2007 wobstejacy grafiski šat internetoweje strony k 26.11.2017 ponowjeli. Strona je nětko technisce tež za mobilne nastroje spřihotowana. Wobsah so hišće předźěła.
03.01.2018
Plan zarjadowanjow za 2018 je so pod PROTYKA aktualizował.
02.01.2018
Přejemy wšěm našim sobustawam towarstwa ale tež swěrnym čitarjam tutych stronow žohnowane nowe lěto! Tež lětsa planujemy dalši wutwar hrajkanišća. Dajmy so překwapić!