Deutschmann - Kuschk - Schiman

Dučmanec kubło měješe 1840 wokoło 24,5 ha. Do dwora jězdźachu přez rjane wjelbowane wrota. Z tutoho domu pochadźa knježna Clementina Maria Hana Dučmanec, kotraž je 1838 swoje sluby w Marijinej hwězdźe wotpołožiła. Prěni wjesnjanosta/ předstejićel gmejny Miłoćicy bě Jakub Dučman (wot 1839 do 1850).

Křiž na zahrodźe je z lěta 1858. Postajiła je jón Marja Dučmanowa.

Wokoło 1868 so kubło dźěli, dźěl pódy so předa. Michał Kušk přetwari hródźe na bydlenski dom. Stare domske přewza 1868 Füssel (čo. 8). Po Kušku bydlachu tu krótki čas Šěrakecy, kotrež pak potom „restkubło“ čo. 25 přewzachu. Wobsedźer žiwnosće w lěće 1899 bě Michał Šiman.

Na wobrazu widźimy Šimanec swójbu před tykowanym domskim z trawjenkom, hołbjencom a hródźemi. W róžku na bróžnju wuhladaš posleńcu - to su wrótka, kiž wjedu do zahrody.

Šimanecy potom domske masiwnje wutwarichu. Bróžnju přetwarichu pozdźišo na garaže.