Wuběr rěčow:

Šołtkec/Młynkec swjaty křiž

Foto: 2008 B. Kowar

Tróšku wot wjesneho puća zdaleny steji we wulkej zahrodźe Hańže Šołćinej čo. 21 wulkotny, krasny drjewjany swjaty křiž. Wobšěrne Šołćic - Delenčkec - Hejdanec hospodarstwo kupi a přetwari swójba Šołćic 1951. Dołha chorhosć bě swójbu domapytała, a tak lubješe mać postajić na česć Najswjećišeje wutroby Jězusoweje swjaty křiž. 1962 poswjećichu křiž wot Dyrlicha. Městno wokoło křiža je chwalomne. Z małym płotom škitany je swjećeny blečk we wulkej zahrodźe. Tu kćěja kwětki, róže a lilije k nohomaj Křižowaneho. Rjane hrónčko čitamy na tafličce: "Štóž z Božej martru njetrada  a swój dołh njerozpomina, tón lědy zbóžnosć dócpěje, to pomni hrěšny čłowječe." Do drjewa je rězbar zwěčnił: H. Š. (Hańža Šołćina) 1962.

žórło: Mikławš Kokla ze Sernjan, "Swjate křiže w serbskim kraju", wozjewjene w Katolskim Posole 1968

Zapisk do pomnikoškitneje lisćiny 2001

  • stołp: drjewjany křiž, ze železom zawjazany
  • datěrowanje: 1962

přełožk z němčiny: radyserb

Wudospołnjenje z lěta 2008 

Tutón swjaty křiž dyrbješe so přestajić, dokelž bě sej Młynkec swójba nowy dom na zahrodźe natwariła. Tak woni jón hnydom ponowichu a knjez farar Jakubaš jón w juniju 2004 poswjeći. Na tafličce je napisane: Twoje hórke ćerpjenje, daj nam zbóžne skónčenje. Deleka steji  P.M. 2002 (Peter Müller). Młynkecy su zboka dwaj štomikaj sadźili.

 

Adresa / Anschrift

Miłočanska žaba z.t. / Steinerner Frosch Miltitz e.V.
Wjesna dróha 3 / Dorfstraße 3
01920 Miłoćicy / Miltitz
Internet: https://žaba.de / https://frosch-ev.de

Kontakt

Telefon: 035796 96563
E-Mail: info[at]žaba.de
E-Mail: info[at]frosch-ev.de

Naše zaměry / Unsere Ziele

Za wjes, zhromadnosć a serbstwo.
Für Dorf, Gemeinschaft, Sprache, Kultur und Brauchtum.