Wuběr rěčow:

Šołćic - Delenčkec

Jan Šołta wobsedźeše 1840 Herbsku grychtu, bě sudnik. Po nim přewza kubło na 22 ha Jakub Šołta. Tutón bě gmejnski předstejićel wot 1857 do 1862. Zhromadźizny wotměwachu so w  korčmje “Erbgericht”. Pódla bě piwarnja, skład za chmjel a žurla za reje. Twarske naprawy mjez 1900 a 1930 njejsu znate.

Pětr Pawoł Šołta njeměješe dźěći, tohodla přepisa wuj kubło 1940 Albertej Delenčce. Tutón měješe potom tež zbytne Hajdanec kubło (čo. 21) na starosći. Delenčkecy wupućowachu/ćeknychu po 2. swětowej wójnje wokoło 1953 do zapada. Chrysta a Marja stej w zapadnej Němskej hišće žiwej. 2006 je gmejna někak 20 ha pódy wot njeju kupiła.

Wot 1953 gmejna wšelake swójby do Delenčkec twarjenja zaměstni. Pozdźišo zarjadowa so do tykowaneje chěže, kotrež steješe ze swislemi k hatej, předawarnja. Dokelž pak běchu wšitke twarjenja dodźeržane, je prodrustwo zwottorha. Tež chlěwy, kotrež bě prodrustwo typa III wužiwało.

W lěće 1970 natwarichu na tutym městnje wjaceswójbny dom z pjeć bydlenjemi za ratarjow Miłočanskeho prodrustwa.

Po přewróće 1989 so jenož hišće někotre bydlenja wužiwachu a potom steješe dom někotre lěta cyle prózdny. W lěće 2007 su jón Bobkecy kupili, 2008 izolowachu fasadu, wobnowichu třěchu, zasadźichu nowe wokna. Nastachu tam bydlenja k wotnajenju.

Adresa / Anschrift

Miłočanska žaba z.t. / Steinerner Frosch Miltitz e.V.
Wjesna dróha 3 / Dorfstraße 3
01920 Miłoćicy / Miltitz
Internet: https://žaba.de / https://frosch-ev.de

Kontakt

Telefon: 035796 96563
E-Mail: info[at]žaba.de
E-Mail: info[at]frosch-ev.de

Naše zaměry / Unsere Ziele

Za wjes, zhromadnosć a serbstwo.
Für Dorf, Gemeinschaft, Sprache, Kultur und Brauchtum.